ગઝલ – તો નથી?!
તમારી વાતના તરજૂમામાં,
ભૂલી જવાયું એ ગઝલ તો નથી?!
પૂછી શકાત એને રસ્તો, પણ;
રહ્યો પથ્થરનો – રાહબર તો નથી!
એમ લટકાવો ન મરચા લીંબુ
કોઈના આવવાનો ડર તો નથી!?
અમારા પ્રેમનો વળગાડ છે એ
અમારા પ્રેમથીય પર તો નથી!
તમે માની, ન માની, મરજી છે!
વાત મારીય બે-અસર તો નથી!!
કોઈ પૂછે તમારી વાત, મારે કહેવું શું?
તમેય ક્યાંક તમારાથી, બે-ખબર તો નથી?!
ચઢ્યો છે કેફ, વિના મદિરાનો,
તમારી સૌબતે-અસર તો નથી??
ભલે સળગી ઉઠે સહુ દાઝનારા
અસલનો પ્રેમ આડંબર તો નથી.
~ ‘અસલ’ અમદાવાદી
'અસલ' અમદાવાદી 
પ્રતિસાદ આપો